Bakı. Fidan Həsənzadə - Trend:
ABŞ Prezidenti Donald Tramp Meksika sərhədində divar hörülməsi ilə bağlı qərarı təsdiq edib.
Trend-in məlumatına görə, prezident seçkiləri vaxtı bu fikrini bir neçə dəfə dilə gətirən D.Tramp dünən “Twitter” hesabında yazıb: “Sabah beynəlxalq təhlükəsizliklə bağlı böyük bir iş planlaşdırmışıq. Bir çox məsələlərlə yanaşı, divarı da inşa edəcəyik”.
ABŞ-Meksika sərhədində tikiləcək sədlə qeyri-qanuni mühacirlərin, insan alverçilərinin və narkotik ticarətinin qarşısını almağı hədəfləyən D.Tramp “ABŞ bu gündən etibarən sərhədlərin idarəçiliyini gücləndirir” ifadələrini işlədib.
Meksika isə ABŞ sərhədində səd çəkilməsinin əleyhinədir. “BBC Türk”ün məlumatına görə, meksikalılar bu divarın hər iki ölkədə yaşayan ailə üzvlərini ayıracağını, insanların mövsümi iş üçün ABŞ-a getməyinə mane olacağını deyirlər. Üstəlik, bu işçilərin ABŞ iqtisadiyyatındakı önəmini vurğulayıblar. Bəziləri isə divar inşasının “irqçi siyasət”in sübutu olduğunu düşünür.
ABC televiziyasına müsabihə verən D.Tramp bildirib ki, divar inşasının xərclərini Meksika ödəyəcək. Meksika Prezidenti Enrike Penya Nieto isə iki ölkənin sərhədində tikiləcək bu divar üçün heç bir ödəniş etməyəcəklərini bir neçə dəfə bəyan edib.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
