Bakı. Trend:
Krasnodar Ali Aviasiya Məktəbi Aviabazasının An-26 təyyarəsi Saratov vilayətində sərt eniş edib. Trend-in məlumatına görə, insident nəticəsində 1 hərbçi ölüb, 5 hərbçi xəstəxanaya yerləşdirilib.
Rusiya Müdafiə Nazirliyi İnformasiya və kommunikasiya departamentinin verdiyi məlumata görə, hadisə təlim-məşq uçuşu zamanı baş verib. Təyyarə sərt enişdən sonra yanmağa başlayıb.
Hazırda insidentlə bağlı araşdırma aparılır.