Bakı. Trend:
Türkiyədə Aksaray - Konya avtomobil yolunun 8-ci kilometrində zəncirvari qəza baş verib.
Trend-in türk mediasına istinadən verdiyi məlumata əsasən, qum fırtınası səbəbindən 20 avtomobil toqquşub. Qəza nəticəsində 2 nəfər həyatını itirib, daha 22 nəfər isə yaralanıb.
Yaralananlar xəstəxanalara yerləşdirilib. Yolda hərəkət müvəqqəti olaraq məhdudlaşdırılıb.