Bakı. Trend:
Avstraliya sahillərində 1942-ci ildə batmış ABŞ Hərbi Dəniz Qüvvələrinə məxsus "Leksington" təyyarə gəmisi aşkarlanıb.
Trend-in məlumatına görə, gəminin qalıqlarını "Microsoft" korporasiyasının həmtəsisçisi Pol Allen tərəfindən maliyyələşdirilən axtarış ekspedisiyası aşkar edib.
Təyyarə gəmisinin qalıqları 75 ildən artıq müddət ərzində Avstraliya sahillərindən 900 kilometr aralıda və 3 min metr dərinlikdə olub.
"Leksington"un qalıqları martın 4-ü aşkar edilib, lakin bu barədə yalnız indi məlum olub.
Qeyd edək ki, "Leksington" təyyarə gəmisi 1942-ci il 8 may tarixində Mərcan dənizində gedən döyüşlər zamanı batıb. "Leksington"un göyərtəsində 3 minə yaxın heyyət üzvü olub, onlardan 200-ü həlak olub.