Bakı. Trend:
Kubanın Xalq Hakimiyyəti Milli Assambleyası (birpalatalı parlament) plenar iclasda ölkənin Nazirlər Şurasının yeni tərkibini təsdiqləyib.
Trend-in məlumatına görə, yeni hakimiyyətə namizədlər aprel ayından ölkənin başçısı postunu tutan Dövlət Şurasının sədri Migel Dias-Kanel tərəfindən irəli sürülüb.
Deputatlar bütün namizədlikləri yekdilliklə dəstəkləyiblər.
Ölkənin yeni Nazirlər Şurasının tərkibinə 34 nəfər daxil olub. Hal-hazırda Raul Kastro tərəfindən formalaşdırılmış əvvəlki kabinetin bir çox üzvü öz vəzifələrini yerinə yetirməyi davam etdirir.