Bakı. Trend:
İndoneziyanın Yava adasının yaxınlığında suda batan "Lion Air" aviaşirtkəinin təyyarəsinin göyərtəsində ən azı 188 nəfər olub.
Trend-in məlumatına görə, bunu yerli hakimiyyət nümayəndələrinə istinadən "Reuters" agentliyi bildirib.
Ölkənin xilasetmə xidmətinin nümayəndəsi, öz növbəsində, bildirib ki, "JT610" aviareysini yerinə yetirən təyyarə havaya qalxdıqdan 13 dəqiqə sonra əlaqəni itirib.
X X X
07:46
İndoneziyanın xilasedici xidmətlərinin məlumatına görə, Cakarta limanından çıxan yedəkdə sərnişin təyyarəsinin dənizə düşdüyünü görüblər.
Trend-in "The Straits Times" qəzetinə istinadən verdiyi məlumata əsasən, Cakartadan Pankalpinanqa uçan təyyarənin göyərtəsində 178 nəfər olub.
"Lion Air" aviaşirkətinin rəhbəri Edvard Sirait vəziyyəti şərh etməkdən imtına edib. "Hal-hazırda şərh verə bimərik. Biz bütün məlumatı toplamağa çalışırıq", - deyə Sirait bildirib.
Х Х Х
06:45
"Lion Air" aviaşirkətinin "Boeing 737" təyyarəsi Cakarta aeroportundan havaya qalxandan sonra qəzaya uğrayıb.
Trend-in "Reuters" agentliyinə istinadən verdiyi məlumata əsasən, sərnişin təyyarəsi havaya qalxdıqdan 10 dəqiqə sonra radarlardan itib.
Təyyarə Cakartadan Pankalpinanq şəhərinə aviareysi (JT-610) yerinə yetirirdi.