Bakı. Elnur Bağışov - Trend:
İranın Əndimeşk rayonunda qaz boru kəmərində partlayış baş verib.
Trend-in məlumatına görə, bunu Xuzistan vilayəti, Əndimeşk rayonunun qubernatoru Peyman Cahangiri deyib.
Onun sözlərinə görə, hadisə ötən gecə saat 03:00 radələrində Bidrubə şəhərinin Baqlekar məntəqəsində baş verib.
Cahangiri deyib ki, partlayışdan sonra yanğının alovu ətrafı bürüyüb. Yanğınsöndürmə əməkdaşları yanğının söndürülməsi üçün əməliyyata başlayıblar. Hadisə nəticəsində ölən olmayıb.
Hadisənin səbəbləri araşdırılır.