Bakı. Trend:
Sudan Baş naziri Abdullah Hamduk yeni hökumətin tərkibini açıqlayıb, xarici işlər naziri qadın təyin edilib.
Trend-in məlumatına görə, bu barədə A.Hamduk Hartumda keçirilən mətbuat konfransında deyib.
O, avqustun 5-də Sudanın Suveren Keçid Hökumətinin tərkibini təsdiqləyib. Buraya 19 nazir və 6 dövlət naziri daxil edilib.
Ərəb dünyası tarixində ilk dəfə olaraq xarici işlər naziri vəzifəsini qadın - Əsma Abdullah tutub. General-leytenant Camal Amru Müdafiə naziri təyin edilib, general-leytenant Tarifi İdris Daxili İşlər Nazirliyinin başçısı olub.