Bakı. Trend:
İndoneziya sahillərində 6 bal gücündə zəlzələ baş verib.
Trend-in məlumatına görə, bu barədə ABŞ Geoloji xidməti bildirib.
Məlumata əsasən, zəlzələ "UTC" vaxtı ilə saat 16:58-də qeydə alınıb. Zəlzələnin episentri Şimali Sulavesi vilayətinin Molibaqu rayonundan 59 kilometr cənub-qərbdə Sulavesi adasında olub.
Yeraltı təkanların ocağı 118 kilometr dərinlikdə yerləşib.
Ölən və dağıntılar barədə məlumat verilməyib. Sunami təhlükəsi elan edilməyib.