Bakı. Trend:
Son 24 saat ərzində dünyada koronavirusa yoluxanların sayı 89 657 nəfər artıb, 6 892 insan ölüb.
Trend-in məlumatına görə, bu, Ümumdünya Səhiyyə Təşkilatı (ÜST) gündəlik bülletenində bildirilib.
Statistikaya əsasən, dünyada 1 610 909 xəstələnən və 99 690 ölüm halı qeydə alınıb. Sutka ərzində yoluxanların sayı 89 657, ölənlərin sayı isə 6 892 nəfər artıb.
Ən çox xəstələnmə və ölüm halları Avropa Bölgəsində qeydə alınıb - müvafiq olaraq 839 257 və 70 565 hal. Gün ərzində orada xəstələnənlərin sayı 39 561, ölüm hallarının sayı isə 4 352 nəfər artıb.