Bakı. Trend:
Böyük Britaniyada Oksford Universitetinin mütəxəssisləri könüllülər üzərində koronavirus vaksininin sınağına başlayıb.
Trend-in məlumatına görə, “ChAdOx1 nCoV-19” adı verilən vaksin şimpanze virusu əsasında, koronavirusun genetik kodunun bir hissəsi əlavə olunmaqla yaradılıb.
Sınaqlar 18-55 yaş arası və sağlam 1100 könüllü üzərində aparılacaq. Sınaqların ilk günlərində gündə 3 nəfər peyvənd olunacaq.
Tədqiqatların beşinci günündə əvvəlki könüllülərdə anomaliyalar müşahidə olunmasa, daha çox şəxsə peyvənd ediləcək.
Sınaqların bir neçə ay davam edəcəyi deyilir.