Bakı. Trend:
Türkiyə 15 may tarixindən etibarən Ukraynadan və bir sıra digər ölkələrdən gələn sərnişinlərdən koronavirus ilə bağlı PCR testini tələb etməyəcək.
Trend-in məlumatına görə, Türk Hava Yollarının (THY) internet saytında qeyd olunub ki, Türkiyə Mülki Aviasiya İdarəsi Türkiyəyə gələn əcnəbilər üçün qaydalarda bəzi dəyişikliklər edib:
Məlumata əsasən, mayın 15-dən Honq Konq, Çin, Tayvan, Vyetnam, Avstraliya, Yeni Zelandiya, Sinqapur, Tayland, Cənubi Koreya, İsrail, Yaponiya, İngiltərə, Latviya, Lüksemburq, Ukrayna və Estoniyadan gələn sərnişinlərdən PCR testi tələb olunmayacaq.