Bakı. Trend:
Nikol Paşinyanın oğlu Aşot Paşinyanı qaçırmağa cəhd ediblər.
Trend xəbər verir ki, bu barədə “Haykakan Jamanak” qəzeti məlumat yayıb. Bu gün saat 15:00 radələrində naməlum şəxslər Ermənistan baş naziri Nikol Paşinyanın oğlunu evinin yaxınlığında qaçırmağa cəhd ediblər.
İlkin məlumata görə, oğurluqda iştirak edənlər Aşot Paşinyanı öz avtomobillərinə minməyə məcbur ediblər, lakin Aşot Paşinyan maşından düşə bilib. Onları izləyən eyni qruplaşmanın digər üzvləri avtomobil ilə Aşotu vuraraq hadisə yerində qaçıblar. Baş nazirin oğlu ayağından xəsarət alıb.
İrəvan polisi araşdırmaya başlayıb.