Bakı. Trend:
Ukrayna Prezidenti Volodimir Zelenski ölkədə hərbi vəziyyətin və səfərbərliyin müddətinin uzadılmasına dair qanunlar imzalayıb.
Trend xəbər verir ki, ölkədə səfərbərlik və hərbi vəziyyətin müddəti cari ilin noyabrın 15-nə qədər uzadılıb.
Məlumata görə, Ukraynada müharibənin başlamasından bu günə qədər artıq 8-ci dəfədir analoji qərar verilir. Ölkədə növbəti parlament seçkiləri oktyabr ayında keçirilməli idi. Lakin qanunvericiliyə əsasən, hərbi vəziyyət səbəbindən seçki keçirilə bilməz.