Bakı. Trend:
ABŞ-ın dövlət borcu ilk dəfə 33 trilyon dolları keçib.
Trend-in məlumatına görə, bu barədə ABŞ Maliyyə Nazirliyi məlumat yayıb.
Maliyyə Nazirliyinin internet saytındakı məlumat bazasında “ümumi dövlət borcu” qrafasında sentyabrın 18-nə bu məbləğ 33,04 trilyon ABŞ dolları kimi göstərilib. Bu, ölkənin dövlət borcunun rekord səviyyəsidir. İyunun 16-da o, 32 trilyon dolları ötüb.
Qeyd edək ki, yanvarda ABŞ hökumətinin borcun 31,4 trilyon dollar səviyyəsində müəyyən edilmiş yuxarı həddi aşılıb. Bundan sonra ölkənin Maliyyə Nazirliyi maliyyə əməliyyatlarını davam etdirmək üçün fövqəladə tədbirlər görməyə məcbur olub.