Bakı. Trend:
Şimali Koreya qərb sahilindən bir neçə qanadlı raket buraxıb.
Trend-in məlumatına görə, bu barədə "Yonhap" agentliyi Cənubi Koreya hərbçilərinə istinadən bildirib.
Cənubi Koreya Silahlı Qüvvələrinin Qərargah Rəisləri Komitəsindən bildiriblər ki, raketlər yerli vaxtla saat 07:00 radələrində buraxılıb. Raketlərin sayı dəqiqləşdirilməyib.
Cənubi Koreya ordusu monitorinqi gücləndirdiyini və Şimali Koreyanı izləmək üçün ABŞ ilə koordinasiya etdiyini vurğulanıb.