Bakı. Trend:
Yunanıstan ilə siyasi dialoq iclası keçiriləcək.
Trend TurkicWorld-a istinadən xəbər verir ki, bu barədə Türkiyə Xarici İşlər Nazirliyi bildirib.
"Xarici işlər nazirinin müavini Burak Akçapar və Yunanıstan xarici işlər nazirinin müavini səfir Alexandra Papadopulou sabah Ankarada məsləhətləşmələr aparacaq" - deyə açıqlamada qeyd edilib.
Görüş zamanı ikitərəfli əlaqələr, regional və beynəlxalq məsələlər müzakirə olunacaq.
Qeyd edilib ki, keçiriləcək görüş Türkiyə prezidenti Rəcəb Tayyib Ərdoğanın 7 dekabr 2023-cü ildə Yunanıstana səfəri zamanı imzalanmış Afina Bəyannaməsinin davamıdır.