Bakı. Trend:
ABŞ administrasiyası Moskva yaxınlığındakı "Crocus City Hall"da baş verən fövqəladə hadisə ilə bağlı daha çox məlumat axtarır və bunu dəhşətli hücum kimi qiymətləndirir.
Trend-in məlumatına görə, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib.
"Bu kadrlar sadəcə olaraq dəhşətlidir. Onları izləmək çətindir və düşüncələrimiz təbii ki, bu dəhşətli atışma qurbanlarladır", - deyə o qeyd edib.
C.Kirbi hadisəni “şiddətli atışma” kimi qiymətləndirib. "Mən əlavə təfərrüat verə bilmərəm. Hadisələr barədə yalnız bu brifinqdən əvvəl öyrəndim", - Ağ Evin sözçüsü əlavə edib.