Bakı. Trend:
Norveç Müdafiə Nazirliyi Raytheon və Kongsberg Defence & Aerospace şirkətləri ilə birgə NASAMS zenit-raket sistemi üçün yeni radarın hazırlanacağını elan edib.
Trend “Defence News”-a istinadən xəbər verir ki, yeni radar Raytheon-un “GhostEye” texnologiyası əsasında yaradılacaq və təhlükəli hədəflərlə mübarizədə daha geniş diapazona malik olacaq. Bu radarın əsas üstünlüyü artırılmış məsafədə işləmək qabiliyyətidir.
Raytheon şirkətinin GhostEye proqramlarının icraçı direktoru bildirib: "Biz konkret performans məlumatlarını açıqlaya bilmərik, lakin radarın imkanları mövcud NASAMS sensor konfiqurasiyasını xeyli üstələyəcək. Bu irəliləyiş aktiv fazalı massiv antenası və qallium nitridi texnologiyası sayəsində mümkün olub."