Bakı. Trend:
ABŞ-nin Pensilvaniya ştatının Sagertaun şəhərində LORD korporasiyasının zavodunda baş vermiş partlayış nəticəsində 12 nəfər yaralanıb.
Trend xəbər verir ki, bu barədə “CBS News” məlumat yayıb.
Yaralananlar arasında dörd yanğınsöndürən və müəssisənin beş əməkdaşı var.
Yanğınsöndürənlərin hadisə yerinə gəlməsindən dərhal sonra güclü partlayış baş verib və zavoda ciddi ziyan dəyib. Hazırda yanğın söndürülüb və hadisənin səbəbi araşdırılır.