Bakı. Trend:
ABŞ prezidenti Donald Tramp bazar ertəsi ABŞ-yə bütün xarici polad və alüminium tədarüklərinə 25% rüsum tətbiq etməyi əmr edib.
Trend-in məlumatına görə, bu barədə Ağ Evin mətbuat xidməti bildirib.
Məlumata görə, Amerika lideri müvafiq fərmanı imzalayıb. O, əvvəlcə vurğulayıb ki, bu qərarda heç bir istisna nəzərdə tutulmayıb. Bununla belə, Tramp mahiyyətcə bildirib ki, o, Avstraliya üçün istisna edə bilər, lakin Argentina və Böyük Britaniya üçün bunu edə bilməyəcək.
"Bu, böyük bir işdir - Amerikanı yenidən zənginləşdiririk", - deyə D.Tramp sənədlərin imzalanması zamanı bildirib.