Bakı.Trend:
ABŞ Ədliyyə Nazirliyi federal prokurorlara Nyu-York şəhərinin meri Erik Adamsa qarşı korrupsiya ittihamı üzrə qaldırılmış cinayət işinə xitam verilməsinə göstəriş verib.
Trend xəbər verir ki, bu barədə xarici KİV-lər məlumat yayıb.
Məlumata görə, ABŞ baş prokurorunun müavini onun məxfi sənədlərə çıxışı səlahiyyətinin bərpa olunmasını tapşırıb.
Nyu-York meri 2024-cü ilin sentyabr ayında korrupsiya ilə bağlı istintaqın başlanılmasından sonra bu səlahiyyətlərdən məhrum edilmişdi .Həmçinin prokurorlara 2025-ci ilin noyabr ayında Nyu-York merliyi üçün seçkilərin keçiriləcəyi vaxta qədər Adamsa qarşı əlavə istintaq tədbirlərinin görülməməsinə göstəriş verilib.
Qeyd edilir ki, Erik Adamsa qarşı korrupsiya ilə bağlı beş federal ittiham irəli sürülüb.