Bakı. Trend:
Ermənistan parlamenti fevralın 12-də keçirilən iclasında “Ermənistan Respublikasının Avropa İttifaqına daxil olması prosesinin başlanması haqqında” qanun layihəsini təsdiqləyib.
Trend erməni KİV-lərinə istinadən xəbər verir ki, qanun layihəsini 63 deputat dəstəkləyib, 7 deputat isə əleyhinə çıxıb.
Qanun layihəsinin təşəbbüskarı 2 ay ərzində 60 min imza toplaya bilmiş (qanunla azı 50 min imza tələb olunur - red.) “Demokratik Qüvvələrin Platforması” vətəndaş təşəbbüsüdür. Bu imzalar layihənin baxılmaq üçün parlamentə təqdim edilməsi üçün lazım idi.
Xatırladaq ki, 2024-cü il yanvarın 9-da layihə Ermənistan Respublikası hökuməti tərəfindən təsdiq edilib.