Bakı. Trend:
Ukrayna Təhlükəsizlik və Müdafiə Şurası ölkənin keçmiş prezidenti, “Avropa Həmrəyliyi” partiyasının sədri və deputat Petro Poroşenkoya qarşı sanksiyalar tətbiq edib.
Trend xəbər verir ki, bu qərar Poroşenkonun yaxın tarixdəki fəaliyyətində dövlətə xəyanət ittihamları ilə əsaslandırılıb.
Yerli mətbuatın məlumatına görə, hazırda Petro Poroşenko ev dustaqlığında saxlanılır və güc strukturlarının nəzarəti altındadır.
Qeyd edək ki, ötən həftə Ali Radada müvafiq komitə də onun 6 ay müddətinə qanunverici orqanda fəaliyyətinin məhdudlaşdırılması barədə qərar qəbul etmişdi.