Bakı. Trend:
ABŞ rəhbərliyi Ukrayna münaqişəsinin nizamlanması prosesi fonunda Rusiyaya qarşı sanksiyaların ləğvinin mümkünlüyünü təhlil edəcək.
Trend xarici KİV-lərə istinadən xəbər verir ki, bunu ABŞ dövlət katibi Marko Rubio jurnalistlərə açıqlamasında bildirib.
“Biz onların qaldırdığı sualları təhlil edəcəyik, söhbətin nədən getdiyini aydınlaşdıracağıq. Məsələ, bir sıra sanksiyalarda, o cümlədən Amerikaya aid olmayan sanksiyalardadır”,- o bildirib.
Rubionun sözlərinə görə, bütün nüanslar təhlil olunduqdan sonra, dövlət departamenti Ağ Ev rəhbəri Donald Trampa mövcud vəziyyətdən çıxışla bağlı variantlar təqdim edəcək.