Bakı. Trend:
İsrailin Qəzza zolağına son 24 saatda endirdiyi zərbələr nəticəsində 78 nəfər ölüb.
Trend-in məlumatına görə, bu barədə Qəzzanın Səhiyyə Nazirliyi xəbər verib.
Məlumata əsasən, Qəzza zolağında son 24 saat ərzində 78 nəfər həlak olub, daha 6 nəfərin cəsədi dağıntılar altından çıxarılıb. Nazirlik həmçinin bildirib ki, son 24 saat ərzində ən azı 168 yaralı anklavdakı xəstəxanalara çatdırılıb.
Bundan əlavə, Səhiyyə Nazirliyi bildirib ki, 2023-cü il oktyabrın 7-dən İsrailin bölgədəki hərbi əməliyyatları nəticəsində ən azı 51 439 fələstinli həlak olub, 117 416 nəfər isə yaralanıb. 2025-ci il martın 18-dən bəri ölənlərin sayı 2062-yə çatıb, 5375 nəfər yaralanıb.