Bakı. Trend:
Londonun ICE birjasında Brent markalı neftin 2025-ci ilin iyul ayı üçün fyuçers qiyməti 2025-ci il aprelin 11-dən bəri ilk dəfə olaraq bir barel üçün 63 dollarlıq psixoloji həddi aşağı yönlü qırıb.
Trend Ticarət məlumatlarına əsasən xəbər verir ki, Brent markalı neftin qiyməti 1,69% ucuzlaşaraq 62,97 dollar/barelə geriləyib.
Bakı vaxtı ilə saat 05:42-yə olan məlumata görə isə qiymətlər daha da enərək 62,89 dollar səviyyəsinə (-1,81%) çatıb. Bununla yanaşı, WTI markalı neftin 2025-ci ilin iyun çatdırılması üzrə fyuçersləri də 2,72% azalaraq 59,98 dollar/barel səviyyəsinə düşüb.