Bakı. Trend:
Mürəkkəb iqtisadi vəziyyət və struktur dəyişiklikləri fonunda Bavariyada metal emalı və elektrotexnika sənayesində təxminən 30 min iş yerinin ixtisar edilə biləcəyi bildirilir.
Trend xəbər verir ki, bu barədə Die Zeit qəzeti məlumat yayıb.
Təşkilatın regional bölməsinin rəhbəri Horst Ot qeyd edib ki, Bavariyada fəaliyyət göstərən şirkətlər artıq 32 min iş yerinin ixtisarına başlayıb və ya bu barədə elan veriblər. Onun sözlərinə görə, yalnız avtomobil sənayesində işdənçıxarmalar müəssisələrin 54 faizinə təsir edəcək.
Eyni zamanda, cəmi 3 minə yaxın yeni iş yeri yaradılıb. Horst Ot müdafiə sektorunun inkişafının hələlik mövcud problemləri həll etməyə qadir olmadığını vurğulayıb. Onun qiymətləndirməsinə əsasən, avtomobil sektorunda hər 10 ixtisara qarşı müdafiə sənayesində cəmi bir yeni iş yeri açılır.