Türk İxracatçılar Cəmiyyətinin (TİM) məlumatına görə, iyunda ölkədə ixrac rekord səviyyəyə - 7 mlrd 685 mln dollara çatıb.
Trend in Ankaradakı xüsusi muxbirinin verdiyi xəbərə görə, bu ilin ilk 6 ayı ərzində ölkədə ixracın həcmi 13% artaraq 39,9 mlrd dollara çatıb.
Türkiyə Statistika İdarəsinin (TÜIK) məlumatına görə, 2005-ci ilin may ayından indiyədək Türkiyə 75, 8 mlrd dollar məbləğində mal ixrac edib. Bu dövr ərzində idxalın həcmi 124, 9 mlrd dollar təşkil edib.
Türkiyənin xarici ticarət dövriyyəsi 200,7 mlrd dollara çatıb.
Türkiyədə milli iqtisadiyyatın hərəkətverici qüvvəsi 11,6% artımın müşahidə olunduğu avtomobilqayrma sahəsi hesab olunur. Avtomobillərin, xüsusilə minik maşınlarının ixracı isə 7 mlrd 404 mln dollar təşkil edib.