ABŞ prezidenti Corc Buş Konqresin planın həyata keçirilməsinə mane olmaq cəhdlərinə məhəl qoymayaraq, İraqa əlavə olaraq 21 mindən çox hərbi qulluqçu göndərməyə qərarlı olduğunu yenə də təsdiq edib.
ABŞ-da Demokrat və Respublika partiyasının nüfuzlu nümayəndələri bu planı tənqid ediblər. Bu barədə Trend Svobodanews saytına istinadən xəbər verir.
Respublikaçı -senator Çak Heygel bəyan edib ki, Buş Vyetnamdakı müharibədən sonra xarici siyasətdə ən təhlükəli səhvlərindən birini etmək riski edir.
Demokrat -senator Cozef Bayden Buşun planını "faciəvi səhv" adlandırıb.