Azərbaycan, Bakı, 15 iyun /Trend, müxbir Cəmilə Əliyeva/
I Avropa Oyunlarının açılış mərasimi fantastik idi, izləyicilər möhtəşəm şouya, stadionda hökm sürən dostluq və doğmalıq ab-havasına valeh olmuşdular.
Bu barədə Trend-ə Fransa Milli Olimpiya Komitəsinin (MOK) prezidenti Dennis Masselya deyib.
O bildirib ki, Bakı gözəl şəhərdir, Kanna oxşayır: "Düşünürəm ki, Bakı I Avropa Oyunlarının keçirilməsi üçün ən uyğun şəhərdir. Bundan başqa, Bakı tədbirin təşkilati məsələlərinə yüksək standartlar müəyyənləşdirib. II Avropa Oyunları da belə səviyyədə keçirilməlidir".