Azərbaycan, Bakı, 22 iyun /Trend, müxbir Hüseyn Vəliyev/
Bakıda ilk Avropa Oyunları çox yaxşı təşkil edilib. Bu barədə Trend-ə suya tullanma yarışları üzrə İrlandiya təmsilçisi Nataşa Makmanus deyib.
Onun sözlərinə görə, Bakıda çox yaxşı idman obyektləri var, idmançılar üçün yaxşı şərait yaradılıb: "Təşkilatçılıq möhtəşəmdir! Hamı kömək etməyə hazırdır, könüllülər əla iş görür, hovuzlar möhtəşəmdir".
N.Makmanus İçərişəhərdə olduğunu da qeyd edib: "İçərişəhər çox xoşuma gələdi. Mətbəxinizin yeməkləri çox dadlı idi. Azərbaycanlılar çox mehriban insanlardır, burada, Oyunlarda onların hamısını görmək həyəcanverici idi".