Bakı. Trend:
Xalq yazıçısı Anarın "Yaşamaq haqqı" traktatı Ankarada nəşr olunub.
Trend-in məlumatına görə, kitabı türk dilinə tərcüməçi Məhməd Reza Qoçi tərcümə edib.
Kitab İLESAM təşkilatının rəhbəri Məhmət Nuri Barmaqsızın təşəbbüsü ilə nəşr olunub.
May ayının sonlarında Türkiyənin Kırşehir Kitab Fuarında imza gününün və İLESAM-ın təşkilatçılığı ilə təqdimat mərasiminin keçiriləcəyi nəzərdə tutulur.
Qeyd edək ki, Anarın "Yaşamaq haqqı" traktatı yazıçının rus dilində "LİK Azerbaydjana" üç cildliyində yer alıb. Azərbaycan dilində bu əsər "525-ci qəzet"də hissələrlə oxuculara təqdim olunub.