Rusiya gimnastı Bakıda Dünya Kubokunda daha bir qızıl medal qazandı

Bakı. Ənvər Məmmədov - Trend:

Rusiyalı gimnast Mariya Sergeyeva Bakıda keçirilən bədii gimnastika üzrə Dünya Kubokunda lentlə hərəkətlərin yekununda da qızıl medal qazanıb.

Trend-in məlumatına görə, onun finaldakı çıxışı hakimlər tərəfindən 16,800 balla qiymətləndirilib.

M.Sergeyeva bundan əvvəl halqa ilə hərəkətlərin yekunu üzrə qızıl medal qazanmışdı.

İkinci yerli 16.400 balla Bolqarıstan idmançısı Katrin Taseva, üçüncü yeri isə Ukrayna gimnastı Vlada Nikolçenko (16.050) tutub.

Qeyd edək ki, bu gün Bakıda Milli Gimnastika Arenasında bədii gimnastika üzrə FIG Dünya Kubokunun final mərhələsinə start verilib.