...

Bakıda daha bir sensorlu svetofor quraşdırıldı (VİDEO)

Gündəm Materials 9 Oktyabr 2018 16:32 (UTC +04:00)
Piyadaların təhlükəsizliyinin təmin edilməsi işləri çərçivəsində daha bir yolda xüsusi sensorlu svetofor qoyulub.
Bakıda daha bir sensorlu svetofor quraşdırıldı (VİDEO)

Bakı. Samir Əli - Trend:

Piyadaların təhlükəsizliyinin təmin edilməsi işləri çərçivəsində daha bir yolda xüsusi sensorlu svetofor qoyulub.

Bakı Nəqliyyat Agentliyindən Trend-ə verilən məlumata görə, qurum tərəfindən Salyan şosesi - Bibiheybət qəsəbəsindən keçən hissəsində quraşdırılan svetofor piyadaların, xüsusən də Bakı Ali Neft Məktəbinin yeni kampusunda təhsil alan şagirdlərin yolu təhlükəsiz şəkildə qarşı tərəfə keçməsinə imkan verir. Piyada sensorlu qurğuya toxunduqdan sonra svetoforu piyada keçidi rejiminə keçirə bilər.

Məlumatda bildirilir ki, gələcəkdə paytaxtın digər küçə və prospektlərində də bu tip svetoforların quraşdırılması nəzərdə tutulub. Belə svetoforlar, eyni zamanda, görmə qabiliyyəti məhdud olan şəxslərin də yolu təhlükəsiz keçməsinə imkan verir. Bu kimi svetoforlar, əsasən, hərəkətin intensiv olduğu yollarda quraşdırılır. Belə ki, yolda piyada olmadığı halda svetoforun yalnız yaşıl işığı yanır ki, bu da hərəkətin fasiləsizliyinin təmin edilməsi baxımından vacib amildir.

Xatırladaq ki, "Sovetski" layihəsi çərçivəsində salınan yollarda 8 ədəd xüsusi sensorlu svetofor quraşdırılıb.

Məqalədə:
Xəbər lenti

Xəbər lenti