...

Xarkovdakı atışmalarda üç azərbaycanlı sürücü xəsarət alıb

Gündəm Materials 28 Fevral 2022 12:39 (UTC +04:00)
Xarkovdakı atışmalarda üç azərbaycanlı sürücü xəsarət alıb

Bakı. Fərid Zöhrabov - Trend:

Ötən gün Xarkov şəhərində baş verən atışma zamanı üç nəfər sürücü xəsarət alıb.

Bunu Trend-ə Azərbaycan Beynəlxalq Avtomobil Daşıyıcıları Assosiasiyasının (ABADA) İctimaiyyətlə əlaqələr və marketinq şöbəsinin müdiri Ruslan Eldaroğlu bildirib.

O qeyd edib ki, sürücülərdən biri ambulator yardımdan sonra evə buraxılıb. Digər iki sürücü isə Xarkov Mərkəzi Xəstəxanasına yerləşdirilib.

R.Eldaroğlu bildirib ki, Ukraynada Azərbaycana məxsus beynəlxalq yükdaşımaları icra edən sürücülərin təxliyəsinə başlanılıb. Ötən gün Odessa şəhərindən Moldovaya 6 yük nəqliyyat vasitəsinin keçidi təmin edilib:

"Bu gün isə bir o qədər də yük maşınının həmin istiqamətə doğru keçəcəyi gözlənilir. Qeyd edim ki, yanacaq problemi ilə üzləşən sürücülərin də problemi öz həllini tapıb. Hazırda digər istiqamətlər üzrə, əsasən də Xarkov, Kiyev ətrafında cəmləşən sürücülərin təxliyəsi ilə bağlı aidiyyəti qurumlarla danışıqlar aparırırq.

Ötən gün Xarkov şəhərində baş verən atışma zamanı üç nəfər sürücü xəsarət alıb. Onlardan biri ambulator yardımdan sonra evə buraxılıb. Digər iki sürücü isə Xarkov Mərkəzi Xəstəxanasına yerləşdirilib. Onların tez bir zamanda sağalması və ailələrinin yanına dönməsi üçün işlər aparılır", - deyə R.Eldaroğlu bildirib.

Twitter:@FaridZohrabov

Məqalədə:
Xəbər lenti

Xəbər lenti