...

DİN Səfər Mehdiyevi saxlayan polislərin işdən çıxarılması ilə bağlı yayılan xəbərlərə aydınlıq gətirdi

Gündəm Materials 10 Avqust 2022 14:53 (UTC +04:00)
DİN Səfər Mehdiyevi saxlayan polislərin işdən çıxarılması ilə bağlı yayılan xəbərlərə aydınlıq gətirdi

Trend-i buradan izləyin

Bakı. Trend:

Bu gün sosial şəbəkələrdə və bəzi kütləvi informasiya vasitələrində Dövlət Gömrük Komitəsinin sabiq sədri Səfər Mehdiyevi saxlayan yol polislərinin işdən çıxarılması ilə bağlı xəbərlər yayılıb.

Daxili İşlər Nazirliyi (DİN) Dövlət Gömrük Komitəsinin sabiq sədri Səfər Mehdiyevi saxlayan yol polislərinin işdən çıxarılması ilə bağlı iddialara münasibət bildirib.

DİN-in Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev Trend-ə bildirib ki, yol polislərinin daxili işlər orqanlarından xaric olunması iddiaları əsassızdır.

“Bu məlumatlar həqiqəti əks etdirmir”, - DİN rəsmisi vurğulayıb.

Xatırladaq ki, bir neçə gün öncə Dövlət Gömrük Komitəsinin sabiq sədri Səfər Mehdiyevin idarə etdiyi avtomobilin saxlanmasını əks etdirən görüntülər yayılıb. Hadisə vaxtı keçmiş sədr idarə etdiyi “Mercedes Galendevagen” markalı, 90 AA 978 dövlət qeydiyyat nişanlı avtomobildən düşərək yol polisi əməkdaşlarına hirslənib.

Bu gün isə həmin yol polislərin daxili işlər orqanlarından xaric olunması ilə bağlı məlumatlar yayılmışdı.

Məqalədə:
Xəbər lenti

Xəbər lenti