Azərbaycan, Bakı, 09 avqust / Trend , müxbir S.Kazımlı/ Azərbaycanın paytaxtında Norveç Krallığının vətəndaşı qarət edilib.
Səbail rayon Polis (RPİ) İdarəsinin 9 - cu polis bölməsindən şənbə günü Trend -a verilən məlumata görə, avqustun 7- də gecə saatlarında Milli Parkda yerləşən "Romantika" kafesində Norveç Krallığı Oslo şəhərinin sakini 24 yaşlı Danielsen Lotteninin fotokamerası naməlum şəxs tərəfindən oğurlanıb.
PRİ-nin polis bölməsindən bildirdilər ki, hələlik hadisə ilə bağlı saxlanılan yoxdur. Hazırda bu istiqamətdə əməliyyat-axtarış tədbirləri davam etdirilir.
Polis bölməsindən onu da əlavə ediblər ki, əcnəbi xanım Bakıya qonaq gəlibmiş.
Faktla bağlı Səbail RPİ-nin 9-cu polis bölməsində araşdırma aparılır.
Məqalə müəllifi ilə əlaqə ünvanı: [email protected]