Azərbaycan, Bakı, 17 sentyabr / Trend , müxbir S.Kazımlı / Bakının Nəsimi rayonunda "Mercedes" markalı avtomobildən 45 min manat pul oğurlanıb. Nəsimi rayon Polis İdarəsindən (RPİ) çərşənbə günü Trend -a verilən məlumata görə, sentyabrın 16-da saat 16:00 radələrində Süleyman Rüstəm küçəsində naməlum şəxs Bakı sakini Ələddin İsmayıl oğlu Yusifova məxsus "Mercedes" markalı avtomobilin şüşəsini sındıraraq avtomobilin işərisindəki 45 min manat pulu oğurlayıb.
Hazırda hadisəni törədən şəxsin tutulması üçün əməliyyat-axtarış tədbirləri davam etdirilir.
Faktla bağlı Nəsimi RPİ-də Azərbaycan Cinayət Məcəlləsinin oğurluq (177-ci) maddəsi iş başlanılıb, istintaq aparılır.
Məqalə müəllifi ilə əlaqə ünvanı: [email protected]