Azərbaycan, Bakı, 18 iyun /Trend, müxbir K.Zərbalıyeva/
Bakıda balıqçı qayığı aşıb
Fövqəladə Hallar Nazirliyinin mətbuat xidmətinin cümə günü yaydığı məlumata görə, Bakının Qaradağ rayonunda dənizdə balıqçı qayığının çevrilməsi nəticəsində, beş nəfər sudaboğulma təhlükəsi ilə üzləşib.
Hadisə yerinə dərhal cəlb edilmiş Fövqəladə Hallar Nazirliyinin dalğıc-xilasediciləri dörd balıqçını xilas edib, bir nəfərin isə cəsədi sudan tapılaraq, aidiyyəti üzrə təhvil verilib.
Əməliyyat cümə axşamı saat 20:14-də başa çatıb.