Azərbaycan, Bakı, 2 sentyabr /Trend, müxbir H.Bağırov/
Rusiyada qəsdən adam öldürməklə axtarışda olan şəxs Azərbaycanda tutulub.
Daxili İşlər Nazirliyi mətbuat xidmətindən verilən məlumata görə, Baş Cinayət-Axtarış İdarəsi və Xəzər Rayon Polis İdarəsi 1-ci polis bölməsi əməkdaşlarının həyata keçirdikləri birgə əməliyyat-axtarış tədbirləri nəticəsində, Rusiya Federasiyası Cinayət Məcəlləsinin 105-ci maddəsi (qəsdən adam öldürmə) ilə axtarışda olan Ulduzxan İbişov saxlanılıb.