Azərbaycan, Bakı, 27 oktyabr /Trend, müxbir K.Zərbalıyeva/
Azərbaycanın Ağcabədi rayonunda kütləvi zəhərlənmə hadisəsi ilə bağlı cinayət işi başlanıb.
Ağcabədi rayon prokurorunun müavini Elgün Süleymanov çərşənbə günü Trend-ə bildirib ki, rayonun Taynaq kəndində iki nəfərin ölümünə səbəb olmuş zəhərlənmə faktı ilə bağlı Cinayət Məcəlləsinin ehtiyatsızlıqdan iki və ya daha çox adamı öldürmə (124.2) maddəsi ilə cinayət işi başlanıb, istintaq aparılır.
Prokuror müavini bildirib ki, hələlik faktla bağlı saxlanılan yoxdur.
Oktyabrın 26-da baş verən zəhərlənmə zamanı 6 nəfər zəhərlənib və Bakıya xəstəxanaya göndərilib.
Hadisənin ilkin səbəbi kimi, həmin şəxslərin ev şəraitində konservləşdirilmiş xiyar turşusundan zəhərləndiyi göstərilir.