Azərbaycan, Bakı, 6 aprel /Trend, müxbir K.Zərbalıyeva/
Bakıda iki avtomobil toqquşub, qəza zamanı yolu keçən piyada həlak olub.
Bakı şəhər Baş Polis İdarəsindən Trend-ə verilən məlumata görə, aprelin 5-i saat 19:20 radələrində Yeni Günəşli qəsəbəsində Balakən rayon sakini İntiqam Məmmədovun idarə etdiyi "VAZ-2107" markalı avtomobillə Bakı şəhər sakini Pərviz Əhmədovun idarə etdiyi "Toyota" markalı avtomobil toqquşub.
Nəticədə "Toyota" markalı avtomobil yolu keçən piyada - Bakı şəhər sakini Rahilə Dadaşovanın üstünə aşıb və piyada aldığı xəsarətlərdən hadisə yerində ölüb.
Faktla bağlı cinayət işi başlanıb.