Azərbaycan, Bakı, 9 avqust /Trend/
Axtarış qrupu Maqadanın Omsunçan qəsəbəsinin 200 kilometrliyində bazar ertəsi radar ekranlarından itən An-12 təyyarəsinin qalıqlarını tapıblar. İlkin məlumata görə, 11 nəfərin hamısı həlak olub. Trend-in məlumatına görə, bu barədə RİA Novosti-yə Uzaq Şərq Nəqliyyat Prokurorluğunun nümayəndəsi məlumat verib.
Onun sözlərinə görə, təyyarənin qalıqları Culyetta mədəni rayonunda tapılıb.
"İlkin məlumata görə, qəzada 11 nəfər - 9 ekipaj üzvü və 2 sərnişin həlak olub", - prokurorluqdan bildirilib.
Rusiya Fövqəladə Hallar Nazirliyinin Uzaq Şərq Regional Mərkəzinin mətbuat xidməti məlumatı təsdiqləməyib.