Azərbaycan, Bakı, 8 oktyabr /Trend, müxbir K.Zərbalıyeva/
Abşeronun Qobu qəsəbəsində yaşayış evində ölümlə nəticələnən yanğın olub.
Abşeron rayon prokurorluğundan şənbə günü Trend-ə verilən məlumata görə, ötən gün gecə saatlarında yaşayış evində yanğın olub. İlkin məlumata görə, yanğın zamanı iki azyaşlı uşaq ölüb.
Prokurorluqdan bildirilib ki, hüquq-mühafizə orqanlarının əməkdaşları hazırda hadisə yerində işləyirlər. Yanğının səbəbləri və nəticələri barədə hələlik dəqiq məlumat verilmir.