Azərbaycan, Bakı, 16 mart /Trend, müxbir K.Zərbalıyeva/
Martın 15-də Şəmkir rayonunun Seyfəli kəndi ərazisindəki "Çingiz" MMC-nin sürücüsü Türkiyə vətəndaşı Sabahattin Özdəmir RPŞ-yə müraciət edərək, mart ayının 14-də saat 17.00 radələrində Yuxarı Seyfəli kəndi ərazisində naməlum şəxsin onun idarə etdiyi "Volvo" markalı avtomaşının istiqamətində atəş açmasını bildirib.
Trend-in cümə günü DİN-in rəsmi saytına istinadən verdiyi məlumata görə, avtomaşına baxış zamanı güllənin şassi hissəsinə dəyməsi müəyyən edilib.
Şəmkir RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni sərxoş halda törətmiş Çinarlı qəsəbə sakini Hüseyn İsmayılov saxlanılıb və ondan 1 ədəd "Makarov" tipli tapança götürülmüşdür.