Azərbaycan, Bakı, 2 may /Trend/
Portuqaliyanın paytaxtı Lissabon şəhəri yaxınlığında iki qatarın toqquşması nəticəsində 20 nəfər xəsarət alıb. Trend-in RİA Novosti-yə istinadən verdiyi məlumata görə, bu barədə çərşənbə günü şəhərin Mülki Müdafiə Xidmətinin rəhbəri Elişio Oliveyra bildirib.
"Əldə etdiyimiz son məlumatlara görə, 20 nəfər yüngül xəsarət alıb", - Oliveyra deyib.
Bir müddət verilən məlumatda bir neçə nəfərin xəsarət aldığı bildirilirdi, lakin dəqiq say açıqlanmırdı.
Qatarların toqquşması çərşənbə günü yerli vaxtla saat 14:00-da Lissabon yaxınlığındakı Kaşiaş vağzalında baş verib.
Qatarlardan biri stansiyada dayanan qatarla toqquşub.