Azərbaycan, Bakı, 23 may / Trend müxbir K.Zərbalıyeva/
Dövlət Sərhəd Xidmətinin əsgərləri arasında silahlı insident olub.
DSX-nin mətbuat mərkəzindən Trend-ə verilən məlumat görə, İranla sərhəddə yerləşən Göytəpə Sərhəd Dəstəsinin İmişli rayonunun Bəhramtəpə qəsəbəsində yerləşən sərhəd zastavasında Sərhəd Qoşunlarının əsgərləri - 1993-cü il təvəllüdlü Əliyev Rahib Nazim oğlu və 1993-cü il təvəllüdlü Kazımzadə Tural İzzət oğlunun meyitləri aşkar edilib.
Mətbuat mərkəzindən bildirilib ki, əsgərlər arasında qarşılıqlı münasibətlərin pozulması nəticəsində əsgərlərdən biri o birini vurub, sonra isə özünü öldürüb.
Hazırda faktla bağlı Lənkəran hərbi prokurorluğunda araşdırma aparılır.
Əsgər Rahib Əliyev Şəmkir, Tural Kazımzadə isə İsmayıllı rayon hərbi komissarlıqlarından həqiqi hərbi xidmətə çağırılıblar.