Azərbaycan, Bakı, 26 iyul /Trend müxbir K.Zərbalıyeva/
Bakıda 4 nəfəri əqrəb sancıb.
Bakı şəhər Təcili və Təxirəsalınmaz Tibbi Yardım Stansiyasından Trend-ə verilən məlumata görə, dünən əqrəb sancması ilə bağlı stansiyaya edilən müraciətlərdən 3-ü Qaradağ rayonu, biri Binəqədi rayonunun Sulutəpə qəsəbəsindən daxil olub.
Onlardan iki nəfəri xəstəxanaya yerləşdirilib, digərlərinə isə yerində tibbi yardım göstərilib.
Stansiyadan bildirilib ki, iyulun 25-də Qaradağ rayonu ərazisindəki çimərlikdə 22 yaşlı gənc oğlan batıb. Onun cəsədi sudan çıxarılıb.
Buzovna çimərliyində isə 18 yaşlı qız xilas olunub və ona ilkin tibbi yardım göstərilib.