Azərbaycan, Bakı, 28 sentyabr /Trend, müxbir A.Tağıyeva/
Dəməşqdə Baş qərargah yaxınlığında güclü partlayış baş verib. Trend-in məlumatına görə, bu barədə cümə günü "Əl-Cəzirə" telekanalı xəbər verib.
Həlak olanlar və ya yaralananlar barədə hələlik məlumat daxil olmayıb. Bu, son bir ay ərzində Suriya SQ Baş qərargahı yanında baş verən ikinci partlayışdır. İki gün əvvəl Baş qərargah yanında eyni vaxtda iki partlayış baş vermişdi. Onda ölkənin təhlükəsizlik qüvvələrinin dörd əməkdaşı həlak olmuşdu.